Arnar HU1 landar á Sauðárkróki

Frystitogarinn Arnar HU1 kom til hafnar á Sauðárkróki til löndunar.

Heimasíðan hafði samband við Bárð skipstjóra og spurði um túrinn.

„Veiðiferðin hófst að kvöldi 11. ágúst og stóð hún yfir í 30 daga. Að langstærstum hluta var verið að veiðum á Vestfjarðarmiðum en einnig vorum við á Tungunni og lítillega á fjöllunum. Það var fín veiði en við hefðum viljað sjá aðeins meira af ufsa. Mikið af karfa er á halanum og eiga skip oft í vandræðum út af honum. Veður í túrnum var mjög gott fyrir utan 3-4 daga sem kaldaði upp. Skipið er með um 21.500 kassa sem gera um 810 tonn uppúr sjó og aflaverðmætin eru um 300 milljónir“ sagði Bárður.