Farsæll SH 30 kom til löndunar í Grundarfirði í morgun. Heildarmagn afla voru um 60 tonn þar af 23 tonn af ýsu og 17 tonn af þorski, minna í öðrum tegundum.
Farsæll var meðal annars á veiðum á suð-vestur Bjargi, vestan við Spilli og á Steinbítshrygg.
“Við fórum víða í þessum túr, alveg frá Breiðafirði og norður fyrir Nesdýpi. Veðrið var ekkert sérstakt, við fengum einn góðviðrisdag en svo var bara norð-austan kaldi eða bræla meiripart túrsins og við enduðum á að flýja aftur inn í Breiðafjörð í lokin, en veiðin slapp til.” Sagði Guðmundur Kristján Snorrason, skipstjóri.
