Drangey SK 2 kom til löndunar við Sauðárkrókshöfn í morgun með 106 tonna afla, en þar af voru um 82 tonn af þorski og um 12 tonn af ufsa en minna í öðrum tegundum. Drangey var á veiðum á Kögurgrunni, Halanum og norður af Kolbeinsey. Þá tóku þeir eitt hal á Gamla Skratta sem er hóll, sléttur að ofan, Við hliðina á Litla Skratta og rétt sunnan við Gíginn sem er á Kolbeinseyjarhryggnum. Ekki er vitað hvernig þetta nafn kom til.
“Við byrjuðum fyrir vestan en hittum ekki vel í ufsann og færðum okkur þá norður fyrir Kolbeinsey í ágætis kroppi og góðum fiski. Veðrið var fínt nema smá kaldi fyrsta sólarhringinn.” Sagði Guðmundur Ágúst Guðmundsson, yfirstýrimaður.
