Málmey SK 1 kom til löndunar við Sauðárkrókshöfn í morgun með um 103 tonna afla, aðallega þorski eða um um 82 tonn af honum og næst mest af ufsa, eða um 8 tonn.
“Við byrjuðum í brælu og engum fiski vestur við Halann.” Sagði Hermann Einarsson, skipstjóri. “Það var enginn fiskur þar, svo á endanum gafst ég bara upp og sigldi norður fyrir Kolbeinsey, í Dauðadal. Þar hittum við loksins á fisk og túrinn reddaðist fyrir horn, eins og gerist nú yfirleitt.”