Farsæll SH 30 kom í land við Grundarfjarðarhöfn í gær og heildarmagn afla var um 68 tonn. Aflinn samanstóð af rúmum 22 tonnum af ýsu, um 16 tonnum af skarkola og um 15 tonnum af þorski, en minna magn af öðrum tegundum.
Farsæll var aðallega á veiðum við Flökin.
“Þetta var bara draumatúr, veðrið gott og veiðin fín. Við þurftum ekki einu sinni að leita að fiskinum, vorum bara á sama stað allan tímann.” Sagði Guðmundur Kristján Snorrason, skipstjóri.
