Farsæll SH 30 kom til löndunar í morgun við Grundarfjarðarhöfn með um 50 tonna afla, aðallega skarkola eða um 26 tonn af honum. Þá voru um 8 tonn ar þorski, um 7 af ýsu og um 3 af karfa.
Farsæll var meðal annars á veiðum á Herðatré og Spilli.
“Þetta var ósköp rólegur túr, við vorum á sama blettinum nánast allan tímann að skrapa kola.” Sagði Guðmundur Kristján Snorrason, skipstjóri. Þá sagði hann veðrið hafa verið frekar leiðinlegt allan tíman, endalausar sunnanáttir.
