Málmey SK 1 kom til löndunar við Sauðárkrókshöfn í morgun með um 166 tonn af fiski, en aflinn var næstum eingöngu þorskur. Málmey var allan þennan túrinn norðan við Kolbeinsey.
“Þetta var fínasti túr.” Sagði Þórarinn Hlöðversson, skipstjóri. “Veiðin gekk ágætlega, það var svosem ekkert mok en veiddist ágætlega allan túrinn og þorskurinn var í stærri kantinum. Veðrið var svo mjög gott hjá okkur allan tímann, það er ekki hægt að kvarta yfir því.”
