Drangey SK2 landar í Grundarfirði. Heildarmagn afla um borð er um 154 tonn, uppistaða aflans er að mestu þorskur. Rætt var við Andra Má Welding stýrimann „Við vorum þrjá sólarhringa á veiðum í þessari veiðiferð, en fyrir helgina millillönduðum við rúmum 100 tonnum eftir tvo sólarhringa á veiðum. Við vorum á veiðum á Flugbrautinni og Eldeyjarbanka. Veiðarnar hafa gengið vel og menn eru hoppandi kátir með fiskeríið þessar vikurnar. Veðrið hefur einnig verið mjög gott“ segir Andri.