Ábyrgðaraðili vöktunarinnar er: FISK Seafood, Háeyri 1, 550 Sauðárkróki, fisk@fisk.is www.fisk.is.
Persónuverndarfulltrúi: personuvernd@fisk.is
Tilgangur vöktunarinnar: Vöktun er í öryggis, eignavörsluskyni og til að fylgjast með skilvirkni ferla, véla og tækja.
Heimild til vinnslu: Vöktun fer fram til að gæta lögmætra hagsmuna FISK Seafood af öryggis- og eignavörslu. Einnig fer vöktun fram til að tryggja rekjanleika og gæði afurða.
Tegundir persónuupplýsinga: Unnið er með myndefni sem verður til við vöktunina þar sem má sjá einstaklinga sem farið hafa um hið vaktaða svæði og athafnir þeirra.
Viðtakendur: Allt myndefni er aðgengilegt vinnsluaðilanum FISK Seafood sem hefur umsjón með framkvæmd vöktunarinnar. Efni með upplýsingum um slys eða refsiverðan verknað getur jafnframt verið afhent lögreglu. Einnig getur efni verið afhent tryggingafélagi sé það nauðsynlegt vegna tryggingamáls. Sjá að öðru leyti 5. og 10. gr. reglna nr. 50/2023 um rafræna vöktun.
Miðlun til þriðju landa og varúðarráðstafanir: Engin miðlun til þriðju landa fer fram.
Varðveislutími myndefnis: Myndefni er varðveitt í 30 daga og er síðan eytt. Þó geta upptökur verið varðveittar lengur sé það nauðsynlegt til að krafa verði afmörkuð, sett fram eða varin vegna dómsmáls eða annarra slíkra laganauðsynja. Ef myndefni er afhent lögreglu er öðrum eintökum af efninu eytt.
Réttindi einstaklinga: Þú átt rétt á að skoða myndefni þar sem þú sést. Einnig áttu rétt á að fá afrit af slíku myndefni að því gefnu að það skerði ekki réttindi og frelsi annarra. Að öðru leyti fer um réttindi þín samkvæmt III. kafla laga nr. 90/2018 um persónuvernd og vinnslu persónuupplýsinga, sbr. nánar ákvæði í III. kafla reglugerðar (ESB) 2016/679.
Réttur til að leggja fram kvörtun hjá Persónuvernd: Þeir sem sæta rafrænni vöktun eiga rétt á að leggja fram kvörtun hjá Persónuvernd ef þeir telja að vinnsla persónuupplýsinga þeirra gangi gegn persónuverndarlögum.
Sjálfvirk ákvarðanataka: Ekki fer fram sjálfvirk ákvarðanataka um vinnslu á myndefni.
img_size=“120×120″ alignment=“center“]