Sigurborg SH 12 kom til löndunar við Grundarfjarðarhöfn í morgun. Heildarmagn afla var um 80 tonn, þar af um 28 tonn af skarkola, um 20 tonn af þorski og um 16 tonn af steinbit, en minna í öðrum tegundum. Sigurborg var aðallega á veiðum við Flökin, en kastaði einnig vestan við Bjarg og við Herðatré.
Ómar Þorleifsson, skipstjóri, sagði túrinn hafa gengið nokkuð vel. Veðrið hafi verið ágætt og svo hafi verið fínasta kolakropp við Flökin.
