„Týpískt íslenskt sumarveður“

Sigurborg SH12 landaði í Grundarfirði.  Heildarmagn afla um borð var um 80 tonn, uppistaða aflans var ufsi og þorskur.  Heimasíðan hafði samband við Guðbjörn stýrimann.

„Veiðiferðin tók rúmlega fjóra sólarhringa en við vorum á veiðum í rúma þrjá, í Breiðafirði, Nesdýpi og á Halanum.  Það gekk sæmilega að veiða ufsa en þorskurinn var að þvælast fyrir okkur á Kolaslóðinni.  Við fengum týpískt íslenskt sumarveður, sól, rigningu, þoku og hæglætis vind“ segir Guðbjörn.