Veiðar byrjuðu rólega

 In Fréttir, Sigurborg SH 12

Sigurborg SH12 kom til hafnar í Grundarfirði. Heildarmagn afla var um 62 tonn og uppistaða aflans var þorskur og skarkoli. Heimasíðan hafði samband við Ómar Þorleifsson skipstjóra og spurði um veiðiferðina.

„Við vorum rúma þrjá sólarhringa á veiðum. Byrjað var suður af Bjargi, vegna veðurs, en færðum okkur í Grunnkantinn og enduðum í Nesdýpi. Veiðar byrjuðu rólega en góð veiði síðustu tvo sólarhringana. Aflinn var 62 tonn. Það var norðan bræla fyrsta sólarhringinn, síðan ágætis veður,“ sagði Ómar.

Start typing and press Enter to search

Málmey