„Veiðarnar fóru vel af stað“

Málmey SK1 kom til hafnar á Sauðárkróki. Heildarmagn afla um borð var um 160 tonn og uppistaða aflans var þorskur. Heimasíðan hafði samband við Þórarinn Hlöðversson skipstjóra og spurði út í túrinn.

„Við vorum fimm daga á veiðum. Við vorum í Kantinum vestan við Halann, á Barðinu og á Strandagrunni. Veiðarnar fóru vel af stað fyrstu tvo sólarhringana en frekar rólegt eftir það. Við fengum tveggja daga brælu en að öðru leyti gott veður,“ sagði Þórarinn.