Farsæll SH 30 kom til löndunar við Grundarfjarðarhöfn í morgun með 55 tonna afla, þar af voru 24 tonn af ýsu og um 20 tonn af þorski.
Farsæll var meðal annars á veiðum við Flökin og Flákahorn.
“Þetta var frekar rólegt. Veðrið var ekkert sérstakt, norð-austan 10-12 m/s og það var mikill þvælingur á okkur.” Sagði Guðmundur Kristján Snorrason, skipstjóri. “Við byrjuðum í ýsu við Flökin og það gekk svona ágætlega. Svo færðum við okkur út á Halasvæðið en vorum aðeins of seinir og þar var ekki mikil veiði. Svo þvældumst við bara víða í leit að blönduðum afla. Fundum smávegis af karfa á Flákakanti.”
