Ágúst Marinósson hefur lagt stígvélin á hilluna

Ágúst Marinósson starfsmaður landvinnslu FISK Seafood hefur lagt stígvélin á hilluna eftir 25 ára farsælt starf hjá fyrirtækinu.

Gústi var starfsmaður landvinnslunnar síðustu 9 ár og var áður skipverji á Málmey SK1 í 16 ár og þar áður starfaði hann hjá öðrum útgerðum og hefur því unnið við sjávarútveg stóran hluta starfsævinnar eða í um 40 ár auk þess sem hann vann við lögreglustörf o.fl.

Haldið var kaffisamsæti að þessu tilefni í kaffistofu landvinnslu og þar voru Gústa færðar þakkir fyrir vel unnin störf og óska samstarfsmenn og stjórnendur fyrirtækisins honum alls hins besta.