Drangey SK 2 landaði á Sauðárkróki í morgun með 116 tonna afla, þar af um 70 tonn af þorski, um 18 tonn af ufsa og um 16 tonn af ýsu en minna í öðrum tegundum.
Drangey hóf veiðar á Halasvæðinu þar sem var, að sögn Ágústs Óðins Ómarssonar, skipstjóra, góð þorskveiði en lítið af aukaafla. Því færðu þeir sig á Víkurálssvæðið þar sem þeir reyndu við blandaðan afla, en enduðu svo í ýsukroppi í Reykjafjarðarál í ágætis veðri.
