Ingólfur Arnarson sestur í helgan stein.

Ingólfur Arnarson bátsmaður á Arnari HU1 hefur lagt pollabuxurnar á hilluna eftir áratuga starf á sjónum.

Ingólfur byrjaði á sjó á Drangey SK1 árið 1986, þaðan fór hann yfir á Hegranesið og þá Skagfirðing.
Lengst af gengdi Ingólfur starfi bátsmanns á Málmey SK1, en eftir að henni var breytt í ísfisk árið 2014 hóf hann störf á Arnari HU1.

Að sögn Ingólfs er hann ánægður að hafa sloppið slysalaust frá ferlinum
og segir hann mannskapinn sem hann hefur unnið með í gegnum tíðina hafa sett svip sinn á öll þessi ár

Á döfinni hjá Ingólfi er að njóta lífsins.

Ingólfi eru færðar þakkir fyrir vel unnin störf og óska samstarfsmenn og stjórnendur fyrirtækisins honum alls hins besta.